Աղասի Ենոքյանն իր էջում գրում է.« Նիկոլ Փաշինյանը իր էջում գրել էր, որ հայալեզու մի կայք կեղծ տեղեկատվություն էր տարածել, թե ինքը շնորհավորել է Թրամփին Իրաքի տարածքում հրթիռակոծման առիթով և ադրբեջանական մեդիան շատ արագ տարածել էր այդ ֆեյք լուրը: Չեմ կարծում, թե լուրը ստեղծել էին ադրբեջանցիները, քանի որ նրանց դեմ աշխատում են ինստիտուտներ, եւ կարձագանքեին ինստիտուտները և ոչ թե Նիկոլ Փաշինյանը:
Հավանական տարբերակն այն է, որ լուրը ստեղծել ու տարածել են Հայաստանի ներքին քաղաքականության վրա աշխատող ինստիտուտները՝ դրանով Նիկոլ Փաշինյանի համար առիթ ստեղծելով պայքարել մամուլի ազատության դեմ: Այդ մասին նա հայտարարեց նույն գրառման մեջ:
Հիշենք, որ 2019 թ. Նիկոլ Փաշինյանը նույնպես սկսեց ինֆորմացիոն մանիպուլյացիայով (հայտնի խաշը) մամուլի ազատության դեմ պայքար հռչակելով:
Լրացուցիչ փաստարկն էլ այն է, որ իր քննադատներին լռեցնելը Նիկոլ Փաշինյանի համար շատ ավելի կարևոր է, քան ցանկացած միջազգային ճգնաժամ ու արտաքին սպառնալիք»:
