Թռիչքի ժամանակ ընկել է «Air Canada» ավիաընկերության ուղևորատար ինքնաթիռի անիվը: Համապատասխան տեսանյութը հրապարակվել է Twitter-ում, փոխանցում է Լենտան։
Ուղևորներից մեկի կողմից նկարահանված կադրերում երևում է, թե ինչպես է ինքնաթիռը սլանում թռիչքուղու երկայնքով, այնուհետև օդ բարձրանում, ինչից հետո ձախ շասսիի երկու անիվներից մեկն ընկնում է:
Ինքնաթիռում եղել է 49 ուղևոր և անձնակազմի երեք անդամ: Թռիչքից հետո ինքնաթիռը որոշ ժամանակ գտնվել է օդում, այնուհետև վերադարձել Մոնրեալի օդանավակայան: Ուղևորները թռչել են մեկ այլ չվերթով դեպի Սագենեյ, որևէ մեկը չի տուժել:
Ավիաընկերությունից հայտնել են, որ ստուգումներ կանցկացվեն և ինքնաթիռը կնորոգվի:
Bon bah là j’suis actuellement dans un avion qui vient de perdre une roue...
2020 commence plutôt bien 🤔 pic.twitter.com/eZhbOJqIQr— том (@caf_tom) January 3, 2020
