Իրանի Իսլամական հեղափոխության պահապանների կորպուսի հատուկ ստորաբաժանման՝ Ղոդսի հրամանատար Ղասիմ Սուլեյմանիի սպանության հարցում ԱՄՆ նախագահի աշխատակազմում գլխավոր կողմնակիցը պետքարտուղար Մայք Պեմպեոն է: Նա մի քանի ամիս շարունակ համոզել է Թրամփին լիկվիդացնել իրանական հատուկ ստորաբաժանման ղեկավարին: Այս մասին հայտնում է Washington Post-ը:
Թրամփը երկար ժամանակ ընդդիմացել է, սակայն իրավիճակը փոխվել է Քիրկուկում ամերիկացիների սպանությունից հետո:
Հրապարակման հեղինակը կարծում է՝ հնարավոր է, որ Պեմպեոն Սուլեյմանիի սպանությունը կարող է օգտագործել իր քաղաքական կարիերայի համար: Մասնավորապես այն կարող է օգնել ստանալ իսրայելական լոբբիի աջակցությունը:
Սպիտակ տանը WP-ի աղբյուրի խոսքերով, Պենտագոնի նախկին ղեկավար Ջիմ Մետտիսը երբեք համաձայնություն չէր տա Սուլեյմանիի սպանության հարցում: Մեկ այլ աղբյուրը հայտնում է, որ պետքարտուղարը միշտ առանձնահատուկ վերաբերմունք է ունեցել Իրանի նկատմամբ և շատ ուշադիր է հետևում Իրանին վերաբերող փաստաթղթերին:
