Շվեդական IKEA ընկերությունը 46 միլիոն դոլար փոխհատուցում կվճարի ընտանիքին, որտեղ երեխա է մահացել կամոդի ընկնելու արդյունքում: Այս մասին հայտնում է CBS News-ը:
Միջադեպը տեղի է ունեցել 2017 թվականին, Կալիֆորնիայում, որտեղ Malm սերիայի կամոդն ընկել է 2-ամյա Յոզեֆ Դուդեկի վրա:
Կամոդը դարձել է 10 մարդու մահվան պատճառ: Միայն 2016 թվականին շվեդական ընկերությունը 50 միլիոն դոլար է տվել երեք ընտանիքի, որտեղ երեխաներ են մահացել նույն սերիայի կամոդի ընկնելու արդյունքում:
