Գերմանիան պատրաստվում է Իրաքից ժամանակավորապես դուրս բերել իր զինծառայողների մի մասին: Այս մասին հայտնում է Deutsche Welle-ն՝ հղում անելով Գերմանիայի ԱԳ նախարար Հայկո Մաասի՝ Պաշտպանության նախարարին ուղղված նամակին:
Սպասվում է, որ 130 մարդուց հարևան երկրներ տարհանվելու են 30-ը: Խոսքը մասնավորապես վերաբերում է Բաղդադում ու Թաջում գտնվողներին:
Նշենք, որ գերմանացի զինծառայողների մեծ մասը տեղակայված են Իրաքի հյուսիսում:
Գերմանացի պաշտոնյան նշել է, որ հարգում են Իրաքի իշխանությունների որոշումը, սակայն զգուշացրել է, որ արտասահմանցի զինվորականների հեռանալը կարող է հանգեցնել ԻՊ-ի դիրքերի ուժեղանալուն, տարածաշրջանում անկայութության աճին:
Ավելի վաղ Իրաքի խորհրդարանը որոշում էր կայացրել երկրից դուրս բերել բոլոր արտասահմանյան ուժերը:
