ԵՊԲՀ աշխատակազմի ղեկավար Շուշան Դանիելյանն իր էջում մեկնաբանել է տեղեկությունները, որոնց համաձայն Արմեն Մուրադյանը տեղափոխվել է հիվանդանոց:
«Հարգելի գործընկերներ, Արմեն Մուրադյանին չեն տեղափոխել հիվանդանոց, նա երեկ իր սեփական մեքենայով գնացել է հիվանդանոց՝ արյան ճնշման բարձրացման պատճառով, հիվանդանոցում գտնվել է մոտավորապես 2 ժամ:
Իսկ հիմա ամենակարևորի մասին՝ Արմեն Մուրադյանի առողջական վիճակի հետ կապված որևէ լուրջ խնդիր չկա, ասեմ ավելին, առավոտյան շուտ եղել է իր աշխատավայրում ու արդեն մի քանի խորհրդակցություն է անցկացրել:
Շնորհակալություն բոլոր նրանց, ովքեր անկեղծ անհանգստացան Արմեն Մուրադյանի առողջական վիճակի համար:
Բոլորիս առողջություն»,-գրել է նա:
