Իրանի հոգևոր առաջնորդ այաթոլա Ալի Խամենեին հայտարարել է, որ ամերիկյան ռազմական բազաներին հրթիռային հարվածն «ապտակ» է ԱՄՆ-ի երեսին: Այս մասին հայտնում է Reuters-ը:
Խամենեիի խոսքերով, Թեհրանի գործողությունները ցույց են տալիս, որ իրանական հեղափոխությունը ողջ է: Բացի դրանից, նա ԱՄՆ-ն Իրանի թշնամի է անվանել:
Իրանի հոգևոր առաջնորդը նաև հայտարարել է, որ ԱՄՆ-ը փորձում է ոչնչացնել լիբանանյան «Հըզբոլլահ» շարժումը՝ դա անելով Իսրայելի օգնությամբ: