ԱՄՆ նախագահ Դոնալդ Թրամփը մտադիր է բանակցել Իրանի հետ՝ չնայած երկու երկրների միջև էքսկալացիային: Այսպիսի կարծիք հայտնել է Սենատի ԶՈՒ կոմիտեի նախագահ Ջեյմս Ինհոֆը:
Ըստ Ինհոֆի՝ Թրամփը նախորդ գիշեր հեռախոսազրույց է ունեցել մի շարք օրենսդիրների հետ, և ինքն այնպիսի զգացողություն ունի, որ Թրամփը Իրանի գործողություններում բանակցություններ սկսելու հնարավորություն է տեսնում: «Դա բանակցությունների դուռ կբացի Իրանի հետ», - ասել է սենատորը լրագրողների հետ զրույցի ժամանակ:
