Սիմֆերոպոլի և Երևանի միջև օդային ուղևորափոխադրումը նախատեսվում է սկսել մարտին: Այս մասին հայտարարել է Ղրիմի խորհրդարանի Զբոսաշրջության, հանգստյան գոտիների և սպորտի հարցերով հանձնաժողովի ղեկավար Ալեքսեյ Չերնյակը, փոխանցում է ՌԻԱ Նովոստին։
Այս պահին հարցը գտնվում է համաձայնեցման փուլում։ Նախատեսվում է, որ թռիչքները կիրականացնի «Իկար» ավիաընկերությունը՝ շաբաթական երկու անգամ։ Հետագայում դրանց քանակը կարող է ավելացվել, դառնալով շաբաթական յոթ անգամ։
Սիմֆերոպոլի և Երևանի միջև օդային ճանապարհը կլինի առաջին կանոնավոր միջազգային թռիչքը Ղրիմից 2014 թվականից ի վեր: Ըստ Չերնյակի, սա լավ օրինակ կլինի Չինաստանի և Թուրքիայի, ինչպես նաև այլ երկրների ու ավիաընկերությունների համար: