Այսօր Երևան քաղաքի Պարույր Սևակի փողոցի բնակարաններից մեկում հայտնաբերվել է ԱԱԾ նախկին պետ Գեորգի Կուտոյանի դին՝ հրազենային վիրավորումով: Սա «նոր Հայաստանի« թերևս ոչ առաջին աղմկահարույց մահն է: Ներկայացնում ենք, նախորդ դեպքերը, որոնք ցնցել են հանրությունը:
2018 թվականի հոկտեմբերի 6-ի գիշերը Երեւանում սպանվեց ՀՀ ԱԺ ԲՀԿ-ական նախկին պատգամավոր Կարո Կարապետյանը (Յուվեցի Կարո), ապա նախնական վարկածով՝ ինքնասպան եղավ ՀՀ ԱԺ նախկին պատգամավոր Հարություն Ղարագյոզյանը (Կարամելի Հարութ):
2019 թվականի սեպտեմբերի 23-ին՝ ժամը 23: 59-ին Բջնիի առանձնատներից մեկում հայտնաբերվեց ՀՀ նախկին ոստիկանապետ, գեներալ–գնդապետ Հայկ Հարությունյանի դին: Դիակի կողքին հայտնաբերվել էին «ПМС» տեսակի ատրճանակ և պարկուճ:
2019 թվականի նոյեմբերի 28-ին ՌԴ Պյատիգորսկ քաղաքում տեղի ունեցած պայթյունի հետեւանքով մահացավ Երեւան քաղաքի նախկին ոստիկանապետ Աշոտ Կարապետյանը:
