Պերմի թիվ 105 դպրոցի տնօրենը կանչվել է քաղաքապետարանի կրթության վարչություն բացատրությունների համար այն բանից հետո, երբ համացանցում հայտնվել է տեսանյութը, որում ցուցադրվել են աշակերտների մասնակցությամբ ցուցարարներին ցրելու վարժանքները: Այս մասին հայտնում է Լենտան։
Ավելի վաղ տեղի քաղաքական վերլուծաբան Վիտալի Կովինը ֆեյսբուքյան իր էջում հրապարակել էր դպրոցի մարզադաշտում վարժանքների լուսանկարներն ու տեսանյութերը: Գրառման մեջ ասվում է, որ աշակերտներին սովորեցրել են ետ մղել ցուցարարների գրոհները, և այդպիսի դասընթացներ անցկացվել են արդեն երկրորդ անգամ: