Հունվարի 17-ին, ժամը 17:10-ին «911» ծառայություն ահազանգ է ստացվել, որ հրդեհ է բռնկվել Երևանի Դավիթաշենի 1-ին փողոցի 1-ին նրբանցքի տներից մեկում:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հատուկ հրշեջ ջոկատից երկու մարտական հաշվարկ:
Պարզվել է, որ հրդեհը բռնկվել է տանը կից խորդանոցում:
Հրդեհը մեկուսացվել է ժամը 17:57-ին, մարվել՝ 18:39-ին: Այրվել են տանը կից խորդանոցի տանիքը (80 քմ), ներսում կուտակած փայտ (15 խմ) և ջերմահարվել մոտակայքում գտնվող ջերմոցի պոլիէթիլենային ծածկը (30 քմ):
