Բրիտանիայում 3-ամյա հրաշամանուկը ներգրավվել է բարձր IQ ունեցող մարդկանց խոշորագույն կազմակերպության մեջ: Այս մասին հայտնում է Metro-ն:
Մուհամմադ Հարիզ Նաձիմը սկսել է խոսել 7 ամսականում, իսկ 2 տարեկանում սկսել է կարդալ և անգիր ասել ամբողջական պատմություններ: 3-ամյա տղան գիտի 2 լեզու՝ մալայերեն և անգլերեն:
«Մենք փորձ չունեինք և կարծում էինք, թե բոլոր երեխաներն են այսպիսին: Մենք հասկացանք, որ նա արտասովոր է, երբ նա սկսեց գնալ մանկապարտեզ, և մեզ ասացին, որ նա իր զարգացմամբ մյուս երեխաներից առաջ է»,- ասել է երեխայի մայրը:
Հրաշամանուկի IQ-ն բարձր է 99,7 տոկոս մարդկանց IQ-ից: Ներկայումս տղան IQ կազմակերպության ամենաերիտասարդ անդամն է: