ՌԴ վարչապետ Միխայիլ Միշուստինը Ռուսաստանի Դաշնային հարկային ծառայության ղեկավար է նշանակել Դանիիլ Եգորովին: Վարչապետը համապատասխան որոշումը ստորագրել է հունվարի 17-ին:
Եգորովը երկրորդ աստիճանի ՌԴ գործող պետական խորհրդական է, մինչ այդ զբաղեցնում էր վերոնշյալ կառույցի ղեկավարի տեղակալի պաշտոնը:
Սա ՌԴ վարչապետի առաջին նշանակումն էր:
Հիշեցնենք, որ Միշուստինը մինչ վարչապետ նշանակվելը զբաղեցնում էր հենց Դաշնային հարկային ծառայության ղեկավարի պաշտոնը: