Այս պահին Կառավարության շենքի մոտ բողոքի ակցիա անող մսավաճառներն ու ֆերմերները փակել են Ամիրյանի փողոցը։
Ակցիայի մասնակիցները 10 րոպե ժամանակ էին տվել, որպեսզի կառավարության ներկայացուցիչներն իջնեն իրենց հետ հանդիպելու․ «10 րոպեն անցավ, փակում ենք փողոցները»,-ասաց ակցիայի մասնակիցներից մեկը։
Ոստիկանները հորդորում են բացել ճանապարհը, սակայն նրանք չեն պատրաստվում ենթարկվել պահանջին։
