Արմավիր-Երեւան մայրուղու մոտ Մրգաշատ գյուղի հատվածում բողոքի ակցիա իրականացնող գյուղացիները փորձեցին փակել Արմավիր-Երեւան ճանապարհը։ Այստեղ էին ժամանել մեծ թվով ոստիկաններ։ Ցուցարարների և ոստիկանների միջև հրմշտոց սկսեց։
Հիշեցնենք, որ գյուղացիները բողոքում են սպանդանոցների դեմ: Եթե մինչ այսօր նրանք ակցիաներ էին անում կառավարության մոտ, այսօրվանից սկսած ամեն մեկն ակցիա է անում իր մարզում, ինչի մասին զգուշացրել էին երեկ կառավարության մոտ, որտեղ նրանց հետ կառավարությունից հանդիպող չեղավ:
