Ինչպես հայտնում են են ոստիկանության մամուլի ծառայությունից, ԱԺ Հայ ազգային կոնգրես խմբակցության քարտուղար Արամ Մանուկյանիվրա հարձակում իրականացնելու մեջ կասկածվող անձը բերման է ենթարկվել:
Ըստ ոստիկանության տարածած հաղորդագրության ՝ոստիկանության Երևան քաղաքի վարչության և Արաբկիրի բաժնի ծառայողների ձեռնարկած օպերատիվ-հետախուզական միջոցառումների շնորհիվ պարզվել է կասկածյալի անձը` 1973 թ. ծնված Արշակ Սվազյան, ով դեկտեմբերի 14-ին, ժամը 7.30-ի սահմաններում, Երևանի Ծովակալ Իսակովի 30 հասցեի մոտից բերման է ենթարկվել ոստիկանություն:
Արամ մանուկյանը հարձակման էր ենթարկվել դեկտեմբերի 11-ին իր տան շքամուտքի մոտ: Հատուկ քննչական ծառայությունն ավելի վաղ հաղորդել էր, որ Արամ Մանուկյանի նկատմամբ կիրառված բռնարարքի առթիվ նյութեր են նախապատրաստվում Արաբկիրի քննչական բաժնում:
