Իրավական Տեսանյութեր 

Իջևանի ոստիկանները բնակարանային գողության դեպք են բացահայտել /տեսանյութ/

Բնակարանային գողության վերաբերյալ հաղորդում չէր ստացվել: Տավուշի մարզի Սևքար գյուղում ապրող տանտերերը գուցե դեռ չէին էլ նկատել դրամապանակի բացակայությունը, ինչը, սակայն, չխանգարեց Իջևանի ոստիկաններին՝ բացահայտելու այն: Այս մասին հայտնում են ոստիկանության մամուլի ծառայությունից:

Հունվարի 21-ի ցերեկը, իրացնելով ստացված օպերատիվ տեղեկությունները, Իջևանի քրեական հետախույզները, գողություն կատարելու կասկածանքով, բերման ենթարկեցին Սևքար գյուղի բնակիչ, 17-ամյա մի պատանու: Նա խոստովանեց, որ երեք օր առաջ, հունվարի 18-ին, ժամը 13-ի սահմաններում, երբ հարևանները տանը չէին, խոհանոցի պատուհանը հրել-բացել է, մտել առանձնատուն և ննջասենյակի պահարանից հափշտակել դրամապանակ, որի մեջ կար 150 հազար դրամ:

Տանտիրոջից ընդունվել է հաղորդում, նախապատրաստվում են նյութեր:

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից