ԱԺ փոխնախագահ Էդուարդ Շարմազանովն այսօր ԱԺ–ում լրագրողների հետ զրույցում ասաց, որ այս պահին նպատակահարմար չի գտնում ոչ իշխանական ուժերի կողմից հրավիրված ԱԺ արտահերթ նիստին, որին պետք է դրվի Լյովա Երանոսյանի հրաժարականի պահանջի հարցը։
«Այս պահին նպատակահարմարություն չեմ գտնում և անհիմն եմ համարում նման հարցով արտահերթ նիստ հրավիրելը, որովհետև մեր ընդդիմադիր գործընկերների պահվածքը ցույց տվեց, որ նրանց նպատակը ոչ թե խնդրի լուծումն է, այլ ավելի շատ քաղաքական աղմուկ հանելը»,- այսօր Ազգային ժողովում լրագրողների հետ ճեպազրույցում ասաց ԱԺ փոխնախագահ Շարմազանովը։
