Քիչ առաջ Yerevan Today կայքի գլխավոր խմբագիր Սևակ Հակոբյանը լրագրողների հետ զրույցում հայտնեց, որ «Էրեբունի պլազայում» կրակոցների պահին ներսում է եղել՝ 5-րդ հարկում. «Ես 5-րդ հարկում եմ եղել, նա՝ առաջին, բան չեմ կարող ասել»:
Հակոբյանն ասաց, որ որևէ բան չի տեսել. «Մեր աշխատողներից մեկը, ով այդ պահին սրճարանում է եղել, իր օպերատորի հետ իր մասնագիտական աշխատանքն է կատարել: Ինչ կարողանում էր, անում էր, իսկ մենք վերևից դնում էինք կայք»:
Հարցին, թե ինչ են պատմում աշխատակիցները, Հակոբյանն ասաց, որ որևէ մեկի հետ չի զրուցել. «Ես հազիվ կարողացա գործս ավարտել ու տարհանվել: Ընդամենը մի կրակոց եմ լսել»:
