Հայաստանի կառավարությունը հաստատեց չորս մարզերի 32 սահմանամերձ համայնքների բնակիչներին տրվող սոցիալական աջակցության մասին նախագիծը:
ՀՀ տարածքային կառավարման և արտակարգ իրավիճակների նախարար Արմեն Երիցյանը կառավարության նիստում նշեց, որ 2015 թվականի հունվարի 1-ից 50 տոկոսով կփոխհատուցվի 32 սահմանամերձ համայնքների բնակիչների բնական գազի, էլեկտրաէներգիայի, ոռոգման ջրի սակագնային վարձը:
Միաժամանակ, ամբողջությամբ կփոխատուցվի այդ համայնքների բնակիչների գույքահարկը և հողի հարկը:
