Վարչապետ Հովիկ Աբրահամյանն այսօր կառավարության նիստից հետո գործադիրի անդամներին առաջարկեց ցանկության դեպքում Ամանորին ընդառաջ այցելել զորամասեր:
«Այցելեք զորամասեր ովքեր ցանկություն ունեն, իսկ ես ցանկանում եմ, որ բոլորը նման ցանկություն ունենան: Բոլորս փորձենք լինել որևէ զորամասում: Իմ կարծիքով՝ դա շատ ճիշտ է»,-ասաց նա:
Պաշտպանության նախարար Սեյրան Օհանյանը հորդորեց նախարարներին լինել ոչ միայն զորամասերում ու դիրքերում, այլ նաև սահմանամերձ համայնքներում:
