«Ժառանգություն» կուսակցության նախագահ Րաֆֆի Հովհաննիսյանը քաղաքացիական ուղերձ է հղել։
Ուղերձում ասվում է. «Ցեղասպանության և Մեծ հայրենազրկման հարյուրերորդ տարելիցի նախաշեմին՝ ամոթ մեզ:
Արդարությանն անպայման հասնելու ենք, բայց մեզանից սկսելու նախապայմանով:
Հարգանքով հանդերձ՝ և ի հեճուկս դրան, Սերժ Սարգսյանն ու Բակո Սահակյանը պետք է հրաժարական տան հանուն Հայրենիքի, հանուն արդարության, հանուն ապագայի և հայոց զինվորի:
Ապա և նախապատրաստական համալիր փոփոխություններից հետո արժե ազգովի ընտրել միացյալ Հայաստանի առաջին նախագահին:
Բոլորովին նոր մեկը՝ ժողովրդին և պետությանն ամբողջանվեր ծառայելու ունակ:
Փետրվարը բարով բացվի:
Րաֆֆի Կ. Հովհաննիսյան
2 փետրվարի 2015
Երևան»։
