Կառավարությունն արտահերթ կարգով ԱԺ է ներկայացրել և օրակարգում ընդգրկվել է «Շրջանառության հարկի մասին» ՀՀ օրենքում կատարվող փոփոխությունների մասին օրենքի նախագիծը. այս մասին այսօր տեղեկացրեց ԱԺ նախագահ Գալուստ Սահակյանը:
Նշենք, որ կառավարությունը հետաձգել է փաստաթղթավորման պահանջը, ինչի դեմ պայքարում էին առևտրականները: Վերջիններս այս պահին գտնվում են Ազգային ժողովի դիմաց, ինչպես և նախօրոք հայտարարել էին: Նրանք պահանջում են ընդհանրապես կամավոր դարձնել այս պահանջի կատարումը:
