Ազգային ժողովում լրագրողների հետ հանդիպմանը, անդրադառնալով հարցին, թե ինչու չի մասնակցել քվեարկությանը,Եվրոպայի խորհրդի խորհրդարանական վեհաժողովի հայաստանյան պատվիրակության անդամ Արփինե Հովհաննիսյանըընդգծեց, որ չի մասնակցել վատառողջ լինելու պատճառով: Պատգամավորը տեղեկացրեց, որ Ռուսաստանի պատվիրակությանը ձայնի իրավունքից զրկելու որոշման քվեարկությունը նշանակված է եղել ուշ ժամի՝ երեկոյան 8-ին, իսկ ինքը վեհաժողովը լքել է շատ ավելի վաղ: «Սա է պատճառը, որ ես այդ քվեարկությանը չեմ մասնակցել»,- մանրամասնեց պատգամավորը:
ԵԽԽՎ հայաստանյան պատվիրակության ղեկավար Հերմինե Նաղդալյանն էլ լրագրողներին կոչ արեց ՌԴ պատվիրակությանը ձայնի իրավունքից զրկելու քվեարկության մեջ ինտրիգներ չորոնել: «Որևէ կերպ մեր քվեարկությունը չկապեք նրա հետ, թե մենք խնդիրներ ենք ունեցել Ռուսաստանի, ռուսական պատվիրակության կամ ընդհանրապես ռուս ժողովրդի հետ: Նման բան չկա, նրանք մեր ընկերներն են, մեր բարեկամներն են: Մենք մեր քվեարկությամբ չենք աջակցել մեր ռուս գործընկերներին ձայնի իրավունքից զրկելու որոշմանը»,- հայտարարեց Նաղդալյանը:
