Եվրամիությունը եղել եւ շարունակում է մնալ Հայաստանի կարեւորագույն գործընկերը, իսկ համագործակցությունն ընդգրկում է բազմաթիվ ոլորտներ: Գնահատականը ՀՀ ԱԳ նախարարի տեղակալ Կարեն Նազարյանինն է:
Փետրվարի 12-ին «Լատվիական նախագահության առաջնայնությունները եւ Հայաստանի հետ համագործակցության ոլորտները» գիտաժողովի ժամանակ, Նազարյանն ասաց, որ ՀՀ-ԵՄ հարաբերությունները զարգանում են ինչպես պարբերական քաղաքական խորհրդակցությունների, այնպես էլ մի շարք ոլորտային ուղղություններով: Դիվանագետն ընդգծեց հատկապես շարժունակության խթանմանն ուղղված ԵՄ ծրագրերը: Ելությում Նազարյանը կարեւորեց փաստը, որ Վիլնյուսյան գագաթնաժողովից հետո կողմերը համաձայնել են հարաբերությունների իրավական նոր հիմքերի ստեղծման անհրաժեշտության մասին:
