«Բարգավաճ Հայաստան» խմբակցության արտահերթ նիստն արդեն ավարտվել է. «Տարբեր տակտիկական հարցեր են քննարկվել, կախված դեպքերի զարգացումից՝ կարող են լինել պիկետներ, նստացույցեր, հացադուլներ, մենք դեպքերի զարգացման բոլոր սցենարներին պատրաստ ենք»,-ասաց ԲՀԿ պատգամավոր Միքայել Մելքումյանը: Չի բացառված, որ Գագիկ Ծառուկյանի մանդատից զրկելու դեպքում ԲՀԿ-ականները նստացույց եւ հացադուլ անեն:
Միքայել Մելքումյանն ասաց, որ այլ անձինք չեն դիմել ԲՀԿ-ից դուրս գալու համար: Իսկ թե ինչպես է գնահատում Արագած Ախոյանի ԲՀԿ-ն լքելը, պատգամավորն ասաց, որ մարդու վարքագիծը պետք է լինի շիտակ, հանրությանը համար տեսանելի, թափանցիկ: «Ես անձամբ գտնում եմ՝ ամեն քամի երբ փչում է, մարդը իր թիմին հրաժեշտ է տալիս, դա լավ երեւյթ չէ, վատ երեւոյթ ւէ, մենք քաղաքական գործիչներ ենք, պետք է քաղաքական ռիսկերը գնահատենք, ամեն բան մարդու համար է»,-ասաց Միքայել Մելքումյանը:
Ի դեպ, ԲՀԿ խմբակցության նիստը վարել է խմբակցության քարտուղար Նաիրա Զոհրաբյանը, քանի որ ԲՀԿ առաջնորդ Գագիկ Ծառուկյանը կարեւոր հանդիպում ուներ:
