ՀՀ բարձրաստիճան անձանց էթիկայի հանձնաժողովը հրապարակել է 2014 թվականին բարձրաստիճան պաշտոնատար անձանց և նրանց հետ փոխկապակցված անձանց գույքի և եկամուտների հայտարարագրերը։
Ֆինանսների նախարար Գագիկ Խաչատրյանը իր պաշտոնը զբաղեցնելու օրվա դրությամբ հայտարարագրել է 1 մլրդ 214 մլն 600 հազ. դրամ (269,000,000 դրամ, 1,970,000 դոլար)։ Գագիկ Խաչատրյանի կինը՝ Լաուրա Եփրեմյանը, հայտարարագրել` շուրջ 1, 5 մլրդ դրամ (180 մլն դրամ, 2 մլն 745 000 դոլար)։
Երկրորդը ՀՀ բնապահպանության նախարար Արամայիս Գրիգորյանն է: Տեղեկանքի համաձայն ունի 1 մլրդ 184 մլն դրամ։ Նախարարի կինը՝ Ալիսա Գրիգորյանը, ըստ 2013թ-ի հայտարարագրի՝ ունի 300 մլն 630 հազ. դրամ։
ՀՀ տրանսպորտի և կապի նախարար Գագիկ Բեգլարյանը 2014թ-ի համար հայտարարագիր չի ներկայացրել, բայց ըստ 2013թ-ի հայտարարագրի՝ ունի շուրջ 580 մլն դրամ։ Բեգլարյանի կինը՝ Նունե Նիկոլյանը, հայտարարագրել է շուրջ 33 մլն 700 հազ. դրամ։
Արդարադատության նախարար Հովհաննես Մանուկյանը պաշտոնը զբաղեցնելու օրվա դրությամբ հայտարարագրել է շուրջ 359 մլն դրամ։
ՀՀ գյուղատնտեսության նախարար Սերգո Կարապետյանը, ըստ տեղեկանքի, ունի 254 մլն դրամ։
ՀՀ սփյուռքի նախարար Հրանուշ Հակոբյանը՝ շուրջ 51 մլն դրամ:
Առողջապահության նախարար Արմեն Մուրադյանը՝ ընդհանուր 37 մլն դրամ։
Արտաքին գործերի նախարար Էդվարդ Նալբանդյանը պաշտոնը զբաղեցնելու օրվա դրությամբ հայտարարագրել է շուրջ 35 մլն դրամ։
Աշխատանքի և սոցիալական հարցերի նախարար Արտեմ Ասատրյանը 2014 թ-ին հայտարարագրել է 30 մլն դրամ։
10-րդ հորիզոնականում է Էներգետիկայի և բնական պաշարների Երվանդ Զախարյանը, ով պաշտոնը զբաղեցնելու օրվա դրությամբ հայտարարագրել է 29 մլն 800 հազ. դրամ։
ՀՀ տարածքային կառավարման և արտակարգ իրավիճակների նախարար Արմեն Երիցյանը՝ 25 մլն դրամ։
ՀՀ էկոնոմիկայի նախարար Կարեն Ճշմարիտյանը՝ շուրջ 22 մլն դրամ։
Կրթության և գիտության նախարար Արմեն Աշոտյանը 2014-ի համար հայտարարագիր չի ներկայացրել, իսկ ըստ 2013թ-ի տեղեկանքի՝ նա հայտարարագրել է 18 մլն դրամ։
ՀՀ պաշտպանության նախարար Սեյրան Օհանյանը՝ 16 մլն դրամ։
Նույնքան էլ հայտարարագրել է ՀՀ կառավարության աշխատակազմի ղեկավար-նախարար Դավիթ Հարությունյանը՝ 6,5 մլն դրամ, 20,000 դոլար։
ՀՀ սպորտի և երիտասարդության հարցերի նախարար Գաբրիել Ղազարյանը՝ 11 մլն դրամ։
ՀՀ քաղաքաշինության նախարար Նարեկ Սարգսյանը պաշտոնը զբաղեցնելու օրվա դրությամբ հայտարարագրել է 11,5 մլն դրամ:
ՀՀ մշակույթի նախարար Հասմիկ Պողոսյանը հայտարարագրել է 4 մլն դրամ։
Նախարարներից ամենից քիչ գումար հայտարարագրել է ՀՀ փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանը՝ 1,9 մլն դրամ։
