Այսօր ՀՀ կառավարության նիստին վարչապետ Հովիկ Աբրահամյանը հանձնարարեց արդարադատության նախարար Հովհաննես Մանուկյանին հաջորդ նիստին ներկայացնել նախագիծ՝ նոտարական ծառայությունների վճարը նվազեցնելու համար:
Նա սկզբում հետաքրքրվեց նախարարից, թե ներկայումս որքան արժե այդ ծառայությունը. նախարարը տեղեկացրեց՝ 12 հազ. դրամ:
Վարչապետը առաջարկել է, որ հաջորդ անգամ ներկայացնեն փոփոխությունները, նվազեցնեն ծառայության վճարը:
Նախարարն ասաց, թե կքննարկեն և վարչապետից ստացավ դիտողություն։
«Չքննարկել, է, ներկայացնել նվազեցումը»,-արձագանքեց Հովիկ Աբրահամյանը: Նախարարը պարզաբանեց, որ նկատի ուներ, որ կքննարկեն վարչապետի հետ:
