Ինչպես տեղեկացրել ենք, ՀԱԿ պատգամավոր Նիկոլ Փաշինյանն այսօր ԱԺ Պետաիրավական հարցերի մշտական հանձնաժողովում ներկայացրեց «ՀՀ նախագահի պաշտոնը զբաղեցնող Սերժ Սարգսյանին պաշտոնանկ անելու մասին» իր նախագիծը:
Նախագծի վերաբերյալ ելույթ ունեցավ նաև ՀԱԿ խմբակցության պատգամավոր Գագիկ Ջհանգիրյանը:
Նա նախ նշեց, որ նախագծի վերաբերյալ պետք է խոսի որպես իրավաբան: «Ինպիչմենտի ինստիտուտը վերաբերվում է իրավագիտությանը: Մասնավորապես, այստեղ խոսքը որոշման նախագծի մասին է, մատնանշվում են քրեական հանցագործություններ, այսինքն` փաստաթուղթն իրավաբանորեն անգրագիտություն է, ուստի` ես չեմ կարող կողմ քվեարկել այս նախագծին»,- ընգդծեց նա:
«Ջհանգիրյանի` Գլխավոր դատախազ դառնալու երազանքի իրականցումը մեկ օր առաջ փլուզվել է և այդ պաշտոնի համար նոր սցենարներ կառուցելու և նոր տեղերում հայտնվելու անհրաժեշտություն ունեք, պարոն Ջհանգիրյան, և այսօր արեցիք այդ անհարժեշտության առաջին քայլը»,- պատասխանեց Փաշինյանը:
Նրա խոսքով՝ Ջհանգիրյանն ու իր կուսակիցները սկսել են Սերժ Սարգսյանին ընդունել՝ որպես նախագահ, ինչն ինքը չի պատրաստվում անել: «Նրանք ընդունում են Սերժ Սարգսյանին, նամակ են գրում, իրենց խնդիրն է: Թող բաց նամակ գրեն, փակ նամակներ գրեն, ջան ասեն, ջան լսեն»,- ասաց Նիկոլ Փաշինյանը:
Նախագիծը հանձնաժողովը չընդունեց, հետևաբար՝ այն չի ընդգրկվի ԱԺ առաջիկա լիագումար նիստում:
