«Ուղարկեք ձեր ուսումնասիրությունները Ռիչարդ Հովհաննիսյանին և նա ձեզ երկուս կնշանակի»,- ԱԺ նիստի ժամանակ ասաց Սամվել Ֆարմանյանը, խոսքը ուղղելով Զարուհի Փոստանջյանին:
«Նիստը իմ գործընկերուհին վերածեց բացառապես ներկայացման, մասնագետները մեր գործընկերները բացատրեցին, որ այսօր այդ պահը չէ, թվում էր՝ թե նա հասկացավ, բայց՝ ոչ: Սիրելի Զարուհի մի արա այն, ինչ անում ես մեր դահլիճում, քեզ իզուր է թվում, որ դու ամենախելացին ես,-նշեց Մարգարիտ Եսայանը:
Նշենք, որ ԱԺ պատգամավոր Զարուհի Փոստանջյանի ԱԺ-ում ներկայացրել էր «Օսմանյան կայսրությունում հույների, ասորիների, եզդիների և այլ կրոնական ու ազգային փոքրամասնությունների նկատմամբ իրականացված ցեղասպան քաղաքականությունը՝ որպես մարդկության դեմ ուղղված ծանրագույն հանցագործություն համարելու և դատապարտելու մասին հայտարարության նախագիծը»:
