Այսօր՝ փետրվարի 26-ին, ՀՀ կառավարության հերթական նիստին Առողջապահության նախարար Արմեն Մուրադյանը կառավարությանը ներկայացրեց Հայաստանի Հանրապետության կառավարության 2000 թվականի սեպտեմբերի 20-ի N 581 որոշման մեջ լրացումներ և փոփոխություններ կատարելու մասին որոշման նախագիծը:
Նախարարի խոսքով, լրացումներ կատարելու անհրաժեշտությունը պայմանավորված է Հայաստանի Հանրապետության անդամակցությանը ԵՏՄ-ի հետ:
Կա դեղերի և դեղանյութերի` Եվրասիական տնտեսական միության անդամ պետություններից ներմուծելու դեպքերը կանոնակարգելու և այդ երկրներից ներմուծվող դեղերի իրացման գործընթացի համապատասխանությունը օրենսդրության պահանջներին ապահովելու անհրաժեշտություն:
Նախարարը նշեց, որ հաշվի առնելով խնդրո առարկան՝ շահագրգիռ մարմինների հետ այն քննարկելու համար երեք-չորս օր ժամանակ է անհրաժեշտ:
Վարչապետ հովիկ Աբրահամյանը նշեց, որ «սա մեզ համար գերակա խնդիր պետք լինի», հավելելով, որ ոչ միայն ԵՏՄ-ից, այլ երրորդ երկրներից դեղեր ներկրելու ոլորտում անելիքներ կան, լուրջ դժգոհություններ կան հասարակության մեջ:
