Այսօր ՀՀ տարածքային կառավարման և արտակարգ իրավիճակների նախարար Արմեն Երիցյանը կառավարությանը ներկայացրեց ՀՀ Տավուշի մարզպետարանին գումար հատկացնելու և Հայաստանի Հանրապետության կառավարության 2014 թվականի դեկտեմբերի 18-ի N 1515-Ն որոշման մեջ լրացում կատարելու մասին որոշումը:
Նախարարի խոսքով նախագծի անհրաժեշտությունը պայմանավորված է ՀՀ Տավուշի մարզի սահմանամերձ համայնքներում վերջին ժամանակահատվածում պարբերաբար տեղի ունեցող կրակահերթերի հետևանքով վնասված բնակելի տների բնակիչներին պետական աջակցություն ցուցաբերելու հանգամանքով:
Ուսումնասիրության արդյունքում պարզվել է, որ ընդհանուր առմամբ վնասվել է 6 համայնքի 134 բնակչի գույք՝ ընդամենը 6.337.900 ՀՀ դրամ արժեքի: Նախագծով նախատեսվում է ՀՀ կառավարության պահուստային ֆոնդից ՀՀ Տավուշի մարզպետարանին հատկացնել 6.337.9 մլն դրամի պետական աջակցություն՝ վերոնշյալ սահմանամերձ համայնքների բնակիչների բնակելի տներին հասցված վնասները փոխհատուցելու նպատակով:
Նշենք, որ փոխհատուցումը վերաբերում է հունվարի 5-12-ն ընկած ժամանակահատվածում Բերքաբեր, Բաղանիս, Բարեկամավան, Կոթի, Չինարի և Պառավաքարի գյուղերի գնդակոծությունների վնասին:
