«Ինչպիսին կլինի մեր համագործակցությունը ԲՀԿ-ի հետ՝ կախված է ԲՀԿ-ից։ Մենք մեր գործն անում ենք, մեր պայքարը շարունակելու ենք, մենք պատրաստ ենք համագործակցել ԲՀԿ-ի հետ, եթե ԲՀԿ-ն պատրաստ է»։ Այսօր ԱԺ բրիֆինգի ժամանակ հայտարարեց ՀԱԿ խմբակցության ղեկավար Լեւոն Զուրաբյանը:
Անդրադառնալով Մարտի 1-ի հանրահավաքին, Զուրաբյանը նշեց, որ շատ բան է որոշվելու. «Կամ ռեժիմը հասկանալու է, որ հայ ժողովուրդը չի հաշտվելու իր հետ, կամ անթաքույց շարունակելու է կեղեքել ժողովրդին»,-ասաց նա՝ նշելով, որ հանրահավաքին մասնակցելու է նաև առաջին նախագահը:
