Ընդդիմությունը չարդարացրեց այն սպասելիքները, որ հայ հասարակությունը կապում էր նրա հետ, երեքշաբթի լրագրողներին ասաց ՀՀԿ-ից ԱԺ պատգամավոր Խոսրով Հարությունյանը։
Ըստ Հարությունյանի` Հայաստանի ներքին քաղաքականության նոր իրավիճակի առանձնահատկությունն այն է, որ ընդդիմադիր դաշտը քանդված վիճակում է։
«Թվում էր, թե գոյություն ունի քաղաքական ընդդիմադիր «եռյակ», որը կարող է հակակշիռ դառնալ, սակայն այսօր այն դե-ֆակտո գոյություն չունի... Եվ նման իրավիճակներում մեղավորներ պետք չէ փնտրել։ Անհրաժեշտ է ընդամենը վերլուծել իրավիճակը և դրանից ելքեր փնտրել», - ասաց Հարությունյանը։