Երևանում «Եվրանեսթ» խորհրդարանական վեհաժողովի չորրորդ լիագումար նիստում մեկ րոպե լռությամբ հարգել են Վահան Հովհաննիսյանի հիշատակը։ Նման առաջարկով հանդես է եկել վեհաժողովի համանախագահ Բորիս Տարասյուկը։
«Այսօր մեզ հետ չէ մեր հարգարժան գործընկերը` Վահան Հովհաննիսյանը, ով մեծ ներդրում է ունեցել ԵՄ –Հայաստան խորհրդարանների կայացման գործում` համատեղելով պրոֆեսիոնալիզմը, հմայքը, սկզբունքայնությունը և ինտելեկտը»,- հայտարարել է Տարասյուկը։
Նշենք, որ Վահան Հովհաննիսյանը «Եվրանեսթում» հայկական պատվիրակության ղեկավարն էր։