Երևանում անցկացվող Եվրանեսթ խորհրդարանական վեհաժողովի 4-րդ լիագումար նիստի աշխատանքների ընթացքում համանախագահները հանդիպեցին լրագրողների հետ։ Հանդիպմանը Ուկրաինան ներկայանող Բորիս Տարասյուկը շնորհակալություն հայտնեց Ռուսաստանի ռազմական ագրեսիայի վերաբերյալ բանաձև ընդունելու համար:
«Ողջ աշխարհը գիտի, թե ինչ պատերազմ է ծավալված Ուկրաինայի դեմ, որը բերեց մեր երկրում զանգվածային սպանությունների: Շնորհակալ ենք ԵԽ-ին, որն ուկրաինական ճգնաժամի վերաբերյալ բանաձև է ընդունել։ Կարևոր է, որ ԱլԳ երկրները բանաձևն ընդունեցին, որը դատապարտում է Ուկրաինայի դեմ իրականցված ագրեսիան և կոչ է անում զորքերը հանել Ուկրաինայից»,- ասաց նա:
Համանախագահ Վիկտոր Դոլիձեն էլ հայտնեց, որ վեհաժողովի հաջորդ նիստը տեղի կունենա Արևելյան գործընկերության անդամ երկրներից Ուկրաինայում՝ 2017-ին:
Բանախոսը նշեց, որ Երևանում գերազանց աշխատեցին, ողջ աշխատանքների ընթացքում գրեթե միաձայն ընդունելով մի քանի բանաձևեր:
Հիշեցնենք, որ Եվրանեսթի պատվիրակները մինչ նստաշրջանի սկիզբն այցելել են Ծիծեռնակաբերդ՝ հարգանքի տուրք մատուցելու Հայոց ցեղասպանության 1.5 միլիոն զոհերի հիշատակին:
Վիկտոր Դորիձեն հույս հայտնվեց, թե Ռիգայում կձևավորվի առանց վիզաների ռեժիմ ԱլԳ և ԵՄ անդամ երկրների միջև:
