Ուկրաինայի Տերնոպոլ քաղաքի Մայդան Վոլի հասցեում բացվել է Հայաստանի պատվավոր հյուպատոսություն:
Ինչպես հաղորդում է «Արմենպրես»-ը` վկայակոչելով ukranews-ը, բացման արարողությանը մասնակցել են Ուկրաինայում Հայաստանի դեսպան Անդրանիկ Մանուկյանը և Ուկրաինայի հայ համայնքի ներկայացուցիչներ:
«Հաճելի է, որ Տերնոպոլում պատվավոր հյուպատոսություն բացելու հնարավորություն կա: Ես իմ կողմից կնպաստեմ հյուպատոսության արդյունավետ աշխատանքին»,- ասել է Մանուկյանը:
Տերնոպոլի, Ժիտոմիրի և Խմելնիցկի շրջանների համար գործող հյուպատոսությունը կղեկավարի Հայաստանի պատվավոր հյուպատոս Նորիկ Գևորգյանը:
