Մեր ունեցած տեղեկությունների համաձայն, Նաիրա Զոհրաբյանի կողմից աժիոտաժը Գոհար Ենոքյանի ձերբակալության առիթով իրականում այդքան էլ անկեղծ չի եղել:
Տիկին Զոհրաբյանը լրագրողների հետ մասնավոր զրույցների միջոցով տարածում է այն միտքը, որ Գոհար Ենոքյանը մեղավոր է, և նրան անպայման պետք է բանտարկել, իսկ առերևույթ ստեղծում է տեսարան, որ իբր լուրջ մտահոգվում է Ենոքյանի համար:
Դժվար չի գլխի ընկնել, թե ով է հովանավորում Արտաշատցի Կարոյին։ Ասում են՝ կառավարության միջանցքներում են Նաիրային հանձնարարել վերցնել Ենոքյանի հանրային պաշտպանության գիծը, որպեսզի հնարավորինս վարկաբեկվի Ենոքյանը, իսկ իրականում պաշտպանել Կարապետյանի շահերը:
Սա բացատրում է ստորագրահավաքի տապալումը: 131 պատգամավորներից ստորագրել են ընդամենը 37-ը: Ստորագրել ցանկացողների թիվը շատ ավելին է եղել, սակայն տիկին Նաիրան իմիտացիայից այն կողմ չի անցել և սրտաճմլիկ ելույթներ ունենալուց հետո ուղղակի անհետացել է ԱԺ նիստերի դահլիճից: Բազմաթիվ պատգամավորներ, ովքեր սրտանց ցանկացել են միանալ ստորագրահավաքին, տարակուսում են նման երկակի պահվածքի պատճառով:
