Մենք Արցախի հարցում պետք է նույնն անենք, ինչ Հայոց ցեղասպանության 100-րդ տարելիցին արեցինք, որպեսզի միջազգայնորեն վերջնական ամրագրենք մեր հաղթանակը: Այսօր Արցախում լրագրողների հետ զրույցում ասաց ՀՅԴ Բյուրոյի ներկայացուցիչ Հրանտ Մարգարյանը:
«Կարևոր է, որ հայ ժողովուրդը միասնականորեն ամեն տեղ ոտքի կանգնի, որ կարողանանք ճնշման նոր ալիք բարձրացնել, որտեղ պետք է ղարաբաղյան արդարացիության հարցը բարձրացվի, որ առաջնահերթ Ադրբեջանին, միջազգային հանրությանը պարտադրենք ամրագրեն այն հաղթանակը, որը մենք փաստացիորեն ձեռք ենք բերել»,- ասաց նա։
Անդրադառնալով Արցախի խորհրդարանական ընտրություններին՝ ասաց. «Մենք կարողանում ենք ժողովրդավարություն ստեղծել, զարգացում ապահովել, մենք կարողանում ենք պետություն կառուցել: Արցախը պետք է ուղղություն ցույց տա, սակայն անելիքը բոլորինս պետք է լինի միասնական և համապատասխան մեր հնարավորություններին»:
