Հայաստանն և Ադրբեջանը կքննարկեն Լեռնային Ղարաբաղի խնդիրը Ռիգայում մայիսի 21-22-ը կայանալիք Արևելյան գործընկերության գագաթաժողովի շրջանակներում,-այս մասին հայտնել է ԵՄ ներկայացուցիչը, այս մասին հայտնում է ՌԻԱ Նովոստի գործակալությունը:
Հայաստանն և Ադրբեջանը մասնակցում են Եվրամիության «Արևելյան գործընկերություն» ծրագրին, որում ներառված են նաև Բելառուսը, Վրաստանը, Մոլդովան և Ուկրաինան։
«Լեռնային Ղարաբաղի վերաբերյալ գոյություն ունի այսպես կոչված՝ Մինսկի գործընթաց, որտեղ նախագահում է մեր անդամ երկրներից մեկը՝ Ֆրանսիան, ինչպես նաև Ռուսաստանը և ԱՄՆ-ն: Նրանք կազմակերպում են երկու երկրների նախագահների, արտգործնախարարների հանդիպումները:
Ռիգայում կանցկացվի նախագահների կամ արտգործնախարարների ևս մեկ հանդիպում: Դա այն քիչ գործընթացներից է, որին Եվրամիությունը չի մասնակցում»,- ասել է ԵՄ ներկայացուցիչը, ով ցանկացել է անանուն մնալ:
Նա նշել է, որ հակամարտության կարգավորման «ձևաչափը չի փոխվում»: «Մենք ամբողջովին վստահ ենք ռուս, ամերիկացի և ֆրանսիացի գործընկերների ջանքերի հարցում՝ անել հնարավորը, ինչ նրանք կարող են: Բայց, ցավոք, դա շատ բարդ հարց է»,- հայտարարել է եվրոպացի պաշտոնյան:
