Հայաստանի Հանրապետության կառավարությանն առընթեր «Պետական գույքի կառավարման վարչության աշխատակազմ» պետական կառավարչական հիմնարկը իրենց ամրացված Երևան քաղաքի Նազարբեկյան 48 անավարտ բնակելի շենքում բնակվող ՀՀ քաղաքացիներին նվիրաբերելու է բնակարաններ` սեփականության իրավունքով, պայմանով, որ նրանք իրենց միջոցներով մասնակցություն ցուցաբերեն անավարտ շենքի ընդհանուր օգտագործման տարածքների ամրացման և բարեկարգման աշխատանքներին՝ ընդհանուր օգտագործման գույքի բաժնային մասին համամասնորեն:
Հարցը ներառված է կառավարության վաղվա նիստի օրակարգի նախագծում: Նվիրաբերումը կատարվում է 7 ընտանիքի:
