Հասարակություն Հոգեբանի անկյուն 

Աշխատանքում հաջողության հասնելու երեք պարզագույն քայլ

analitik.am

Ցանկացած բիզնես իր առաջընթացի և եկամտաբերության բարձրացման համար պարտական է բոլոր այն շահագրգիռ անձանց հաջողություններին, ովքեր պատասխանատու են դրանց համար: Պետք է հիշել, որ ցանկացած հաջողության հետևում կանգնած է երկարատև և քրտնաջան աշխատանքը, սակայն լինում են օրեր, երբ հոգնածության և անհասկանալի անորոշության պատճառով մենք չենք կարողանում ոչինչ անել: Խնդիրն այստեղ այն չէ, թե անելու բան չունենք, պարզապես ինչ-ինչ պատճառներով չի ստացվում դրանց վրա կենտրոնանալ և ավարտին հասցնել:



Որպեսզի կարողանանք ձերբազատվել  աշխատանքային հոգնածությունից, լարվածությունից և անորոշությունից, աշխատանքային արդյունավետությունը բարձրացնելու նպատակով ձեզ խորհուրդ ենք տալիս հետևել 3 պարզագույն քայլերի:



Նախ և առաջ պետք է ուշադրություն դարձնել, թե ինչ վիճակում է ձեր աշխատասեղանը: Դրա վրա չպետք է լինի ոչ մի ավելորդ իր, որը կապված չէ այն խնդրի լուծման հետ, որի վրա դուք հենց այդ պահին աշխատում եք:



Հետազոտությունները ցույց են տվել, որ մարդիկ, որոնց աշխատասեղանը լցված է տվյալ գործին չվերաբերող տարբեր թղթերով և իրերով, ինչ-որ պահի բացահայտում են, որ բավական է հեռացնել բոլոր ավելորդ իրերը և նրանց աշխատանքը դառնում է ավելի արագ և արդյունավետ:



Շատ հաճախ մենք չենք հասցնում անել այն ամենը, ինչ անհրաժեշտ է, դրա համար պետք է ժամանակը ճիշտ կառավարել: Դրա համար գործերն արեք՝ ըստ դրանց կարևորության աստիճանի:



Եթե դուք սովորություն դարձնեք ամեն երեկո պլանավորել ձեր հաջորդ օրվա գործերը՝ ելնելով դրանց կարևորության աստիճանից, ապա ձեր օրը կանցնի առավելագույնս արդյունավետ, և դուք կխուսափեք այն անհասկանալի անորոշությունից, երբ չես հասկանում, թե այս պահին որ գործով զբաղվես:



Շատ կարևոր պայման է նաև այն, որ պետք է սովորել ճիշտ կազմակերպել աշխատանքը, վերաբաշխել պարտականությունները և վերահսկել դրանց իրականացումը:



Շատ գործարարներ անհաջողության են մատնվում միայն այն պատճառով, որ չեն կարողանում վերաբաշխել իրենց պարտականությունները և ձգտում են ամեն ինչ անել ինքնուրույն: Արդյունքում նրանք ծանրաբերռնում են իրենց ուղեղը մանր խնդիրներով, լարվում են, անհանգսանում են և շատ հաճախ ընկնում են դեպրեսիայի մեջ:



Պետք է նկատի ունենալ, որ անընդհատ լարվածությունը և անհանգստությունը բերում են սրտային հիվանդությունների առաջացման: Փորձը ցույց է տալի, որ այն ղեկավարները, որոնք չեն կարողանում վերաբաշխել իրենց պարտականությունները, կազմակերպել աշխատանքը և վերահսկել դրանց իրականացումը, որպես կանոն ավարտում են կյանքը 50-60 տարեկանում:

Նույն շարքից