ՀՀ կառավարությունը ՀՀ վետերանների միավորում հասարակական կազմակերպության 55 վետերանների ֆինանսական աջակցություն կսահմանի՝ 550.000 հազար դրամի չափով:
Հարցը ներառված է կառավարության առաջիկա նիստի օրակարգում` որպես կառավարության որոշման նախագիծ:
«Հայաստանի Հանրապետության վետերանների միավորում» հասարակական կազմակերպությունում հաշվառված է Հայրենական մեծ պատերազմի 55 վետերան, որոնց հասցեական սոցիալական աջակցություն կցուցաբերվի, իսկ նրանից 50-ի հանգստի կազմակերպման նպատակով՝ Աշխատանքի և սոցիալական հարցերի նախարարությանը 2015 թվականի պետական բյուջեով նախատեսված կառավարության պահուստային ֆոնդից 2015 թվականին հատկացնի 6,550.0 հազար դրամ:
Կից ներկայացված է իրավական ակտի անհրաժեշտություն, և նշվում է, որ որոշման նախագծի ընդունման անհրաժեշտությունը բխում է ՀՄՊ վետերանների սոցիալական աջակցության բարելավման ուղղությամբ տարվող Հայաստանի Հանրապետության կառավարության որդեգրած քաղաքականությունից և բխում է նաև Հայրենական մեծ պատերազմի հաղթանակի 70-ամյա հոբելյանին ընդառաջ` նախատեսվող միջոցառումներից, մասնավորապես վետերաններին հասցեական սոցիալական աջակցություն ցուցաբերելու ու վետերանների առողջության պահպանման և հանգստի կազմակերպման հետ:
Ներկայումս հանրապետությունում հաշվառված է շուրջ 5 000 աշխատանքի վետերան (Սոցիալիստական աշխատանքի հերոսներ, պատվավոր կոչումներ ունեցողներ, նախկին անհատական կենսաթոշակառուներ, Հայրենական մեծ պատերազմի տարիներին թիկունքում անբասիր աշխատանքի համար նախկին ԽՍՀՄ մեդալներով և շքանշաններով պարգևատրված և «Աշխատանքի վետերան» մեդալով պարգևատրված անձինք):
Հայաստանի Հանրապետությունում Հայրենական մեծ պատերազմի վետերանների իրավական և սոցիալական պաշտպանության հարցերը կանոնակարգվում են «Հայրենական մեծ պատերազմի վետերանների մասին» Հայաստանի Հանրապետության օրենքով:
