Հասկանալի է, որ յուրաքանչյուր մարդ ցանկանում է ամեն տեսակի իրադարձություն օգտագործել ի շահ իրեն, այդպես է մարդն իր բնույթով,սակայն կան դեպքեր,որ ոչ մի պարագայում շահարկման ենթակա չեն՝ ավելին նման երևույթների օգտագործումն անձնական նպատակներով ուղղակի անթույլատրելի է, նույնիսկ զզվելի:
Այդպիսի մի դեպք էր Հին Երևանի սեփականատեր Մանվել Տեր- Առաքելյանի կազմակերպած շոուն Ծիծեռնակաբերդի հուշահամալիրում՝ նվիրված Ցեղասպանության 100-ամյա տարելիցին:
Նրանց սելֆին, հետագա գովազդային արշավը համացանցում տեսնելիս ակամայից համեմատական կարելի է տանել Մանվել Տեր- Առաքելյանի շոուի և ՀՀԿ-ական հռհռացող կանանց միջև: Միակ տարբերությունն այն է, որ ՀՀԿ-ական կանայք հրճվում էին 100-ամյա տարելիցից առաջ, իսկ Մանվելը շոու սարքեց հենց ապրիլի 24 –ին:
Առաջին դեպքում գոնե էմոցիոնալ կանայք էին՝ այն էլ նախքան անմար կրակի մոտ հասնելն էին երջանիկ դեմքով և ծիծաղելով դիմավորում միմյանց, իսկ այս դեպքում ՛՛տղամարդ՛՛ էր, որ շոուն սարքեց հենց անմար կրակի մոտ:
Ցեղասպանության 100-ամյա տարելիցի օրը Մանվելի սարքած շոուի իմաստի ու առհասարակ այդ երևույթի վերաբերյալ ենթադրություններն էլ թողնում ենք ընթերցողներին:
