Այսօր՝ ապրիլի 30-ին, Արագածոտնի մարզից ժամկետային զինծառայողների 196 ծնողներ ուղեւորվեցին Արցախ՝ հանդիպելու ԼՂՀ պաշտպանության բանակում ծառայող իրենց որդիներին:
Ծնողներին ուղեկցում է մարզպետ Սարգիս Սահակյանը, խմբի մեջ ընդգրկված են բժիշկներ, ինչպես նաեւ Ներքին Բազմաբերդի երգի-պարի համույթը: Ուղեւորությունը տեւելու է 2 օր:
Արցախյան այցելությունը կազմակերպելու համար մարզի ղեկավարությունը համագործակցել եւ համապատասխան պայմանավորվածություններ է ձեռք բերել ՀՀ եւ ԼՂՀ պաշտպանության նախարարությունների հետ:
Նշենք, որ մարզում նման նախաձեռնություններ կազմակերպվում են 2011 թվականից սկսած։
