Ինչպես հաղորդում է Ռիա Նովոստի գործակալությունը, Նեպալի կառավարությունը խոստացել է երկրաշարժից զոհվածների ընտանիքներին տրամադրել 1000 դոլար փոխհատուցում:
Բացի այդ թաղման ծախսերի համար տուժածներին կհատկացվի 400 դոլար:
Որոշումը կայացվել է կառավարության հերթական նիստում,որում լրացուցիչ որոշում է կայացվել բնակարանների վերանորոգման համար հատկացնել 250 դոլար:
Աղետի հետեւանքների մեկուսացման նպատակով ստեղծվել է ֆոնդ՝ 2 միլիարդ դոլար կապիտալով:
200 միլիոնը հատկացնելու է կառավարությունը, իսկ ֆինանսական հիմնական միջոցները կտրամադրեն միջազգային կառույցներն ու կազմակերպությունները:
