Ըստ հավաստի լուրերի, մահափորձ կազմակերպելու և իրականացնելու կասկածով հետախուզում է հայտարարվել ՀՀԿ Տատիկի նկատմամբ:
Ըստ աղբյուրի, ՀՀԿ վերջին նիստի ժամանակ, վերջինս մոտեցել է Յուվեցի Կարոյին և սովորության համաձայն գումար խնդրել: Յուվեցի Կարոն մերժել է՝ պատճառաբանելով, որ փող չունի:
Յուվեցի Կարոյի այս պատասխանին ՀՀԿ Տատիկը հակադարձել է. ՛՛Սուտը մեռնի՞ ՛՛ և ձեռքով չանչել Կարոյին:
Կարոն որպես հարյուր տարվա օպերատիվնիկ խույս է տվել չանչի բիոտոկերից:
Կարոն, գիտակցելով , որ ինքը փող ունի և լինելով սնոտիապաշտ, ՀՀկ տատիկի խոսքը կոնկրետ սպառնալիք է դիտել և այս փաստի առթիվ հաղորդում է տվել:
Ձեռնարկված անհրաժեշտ քննչական գործողությունների ընթացքում պարզվել է , որ
1․ ՛՛Սուտը մեռնի, թե փող չունես՛՛ արտահայտությունը Կարո Կարապետյանի ունեցվածքի դեպքում կոնկրետ մահվան սպառնալիք է:
2.ՀՀԿ տատիկի ձեռքով չանչ անելը դիտվել է որպես խմբի կողմից սպանության նախապատրաստում, քանի որ չանչ անելով վերջինս փորձել է սպանության կազմակերպման մեջ ներգրավել պարանորմալ ուժերի:
3.Դեպքի վայրում կատարված զննության ընթացքում հայտնաբերվել է մեկ կապ յոնջա, որը հիմք է տվել քննությանը եզրակացնել, որ ՀՀԿ տատիկը սպանությունը փորձել է կազմակերպել այսպես`
յոնջա վաճառելու պատրվակով ՀՀԿ Տատիկը պետք է կանգներ Մասիս-Երևան ավտոճանապարհին: Կարոն, տեսնելով յոնջան,բնականաբար անտարբեր պիտի չանցներ նրա կողքով և միանշանակ կանգ առներ ու մոտենար ՀՀԿ Տատիկին , իսկ վերջինս օգտվելով այդ պահից պետք է ասեր. ՛՛Յոնջայի համար փող ունե՞ս ,իմ համար չունե՞ս ՛՛ և բարձրաձայն երեք անգամ պիտի կրկներ․ ՛՛Սուտը մեռնի ,թե դու փող չունես ՛՛ և վերջում ստուգողական չանչ աներ:
Համադրելով վերը նշված փաստերը՝ նախաքննությունը հիմնավորված է համարել, որ ՀՀԿ տատիկը շատերի կյանքի համար վտանգավոր ճանապարհով, որպես զենք օգտագործել է իր ափը և մոտ 5 մ տարածությունից չանչել է Կ.Կարապետյանին և հասկանալով , որ Կ.Կարապետյանը խույս է տվել չանչի բիոտոկերից, իր հանցավոր մտադրությունը նպատակին հասցնելու ակնհայտ դիտավորությամբ տվել է մահվան սպառնալիք Կ.Կարապետյանի հասցեին կրկին հայտարարելով. ՛՛Սուտը մեռնի, թե փող չունես՛՛։
Այս փաստերի հիման վրա ՝ ՀՀԿ տատիկին նույն օրը մեղադրանք է առաջադրվել ՀՀ ՔՐՕրի 34-104 հոդվածի 2-րդ մասով և հայտարարվել հետախուզում:
Ըստ լուրերի, ՀՀԿ տատիկը, լսելով այդ լուրը .շատերի կյանքի համար վտանգավոր եղանակով մահվան սպառնալիք է տվել նաև ՀՀ գլխավոր դատախազությանը՝ հայտարարելով.՛՛Սատկեք դուք, պարապ եք մնացել՛՛ և չանչել է նրանց ուղղությամբ:
Այս դեպքից հետո մեղադրանքը վերաորակավորվել և ծանրացվել է:
