Ինչպես հաղորդում է ՏԱՍՍ գործակալությունը, Կահիրեի դատարանը Եգիպտոսի նախկին նախագահ Հոսնի Մուբարաքին երեք տարվա ազատազրկման է դատապարտել՝ ուրիշի սեփականությունը յուրացնելու համար: Reuters-ի փոխանցմամբ, նրա որդիները՝ Ալյան եւ Համալը, այդ քրեական գործի շրջանակում նույն պատժին են արժանացել:
Նրանց մեղավոր են ճանաչել պետական գանձարանից 100 հազար եգիպտական ֆունտ (շուրջ 13 հազար դոլար) գողանալու համար: Այդ գումարը նախատեսված է եղել նախագահական պալատների վերանորոգման համար: Անցյալ տարվա մայիսին ընտանիքի բոլոր երեք անդամները նույն մեղադրանքներով արդեն բանտարկվել էին, սակայն ավելի ուշ Վերաքննիչ դատարանը չեղյալ էր հայտարարել վճիռը եւ գործն ուղարկել վերաքննության:
2015 թվականի ապրիլին լրատվամիջոցները հաղորդել էին 88-ամյա Հոսնի Մուբարաքի մահվան մասին, սակայն նախկին նախագահի փաստաբանը հերքել էր այդ տեղեկությունը:
