Ինչպես հաղորդում է ՏԱՍՍ գործակալությունը, Կանադայում մոլեգնում են անտառային հրդեհները: Այդ մասին հայտնել են Կանադայի փրկարարական ծառայությունից:
վերջին մեկ օրվա ընթացքում Կանադայի Բրիտանական Կոլումբիա պրովինցիայում հրդեհները ընդգրկել են 13 հազար հեկտար տարածություն:
Հրդեհը սկսվել է Արքայազն Ջորջ քաղաքի մոտ՝ սպառնալով մոտակա 200 բնակարանների:
Աղետի գոտուց շտապ կարգով էվակուացվել են 80 տեղացի բնակիչներ:
Հրդեհի դեմ ներկայումս պայքարում են 120 մասնագետներ:
Հրդեհների մարման գործողություններում ներգրավվել են 6 ուղղաթիռներ ու 4 ինքնաթիռներ:
Հրշեջները աշխատում են շուրջօրյա գրաֆիկով:
Հրդեհի տարածմանը նպաստում են տաք եղանակը, քամին ու անձրեւների բացակայությունը:
